Për të gjithë fansat e dyshes së famshme prej reperësh, ata po vijnë sërish në një bashkëpunim.
Pas suksesit të padiskutueshëm të këngës “Lejla” që sollën në bashkëpunim me Elvana Gajtën, reperët 2Po2 e Capital T, po vijnë sërish bashkë.
Ata kanë paralajmëruar se kënga e re do jetë publike të mërkurën në mesditë.
Projekti më i ri i tyre, do të quhet “Ulu”, ndërsa detaje të tjera as nga klipi e as nga vargjet e këngës, nuk janë dhënë.
Megjithatë, kjo mund të jetë një tjetër sukses për reperët e sidomos për Kapon, i cili me “Hatixhe” këtë verë, arriti të marrë numrin më të madh të klikimeve në Youtube, me mbi 20 milionë sosh. /Prive.al
