Atmosferë e jashtëzakonshme mbretëroi mbrëmë në Mitrovicë, përgjatë ndeshjes së play-offit të Superligës së Kosovës në basketboll, ku Trepça u përball me Golden Eagle Yllin, dhe fitoi me rezultat 67-66.
E fitores së ‘Torcidës’, iu gëzua pafund edhe këngëtari Butrint Imeri, i cili ndoqi ndeshjen në sallën e elektrizuar nga brohoritjet dhe fluksi i madh i shikuesve.
“Urime Trepça, urime qyteti jem”, ka shkruar Butrinti, në një video të publikuar në formë storie në Instagramin e tij, teksa shihej duke bërë tifo për ekipin nga Mitrovica.
KB Trepça përndryshe numëron gjithsej pesë tituj, atë të vitit 1993, 2000, 2001, 2012 dhe në edicionin aktual, 2023/2024.
Në këtë sezon e ka fituar edhe Kupën e Kosovës, Superkupën dhe Ligën Unike.
