Reperi DaBaby u hoq nga lista e dy festivaleve të tjera muzikore të martën, pavarësisht kërkim faljes së tij të tretë për vërejtjet homofobike që bëri muajin e kaluar.
Organizatorët e festivaleve iHeartRadio dhe Austin City Limits, thanë në deklarata se DaBaby nuk do të performojë më në ngjarjet e tyre. Kjo vjen pasi muzikanti amerikan u largua nga formacioni “Lollapalooza” në Çikago fundjavën e kaluar dhe “Governor’s Ball” në New York dhe ngjarja “Day N Vegas” në Las Vegas.
DaBaby kërkoi falje për herë të tretë të hënën për vërejtjet që bëri në një koncert të 23 korrikut në Miami kur i kërkoi auditorit të mbante dritat e celularëve të tyre nëse ata nuk kanë HIV/AIDS, ose ndonjëri prej tyre sëmundje seksuale vdekjëprurëse që do t’ju bëjnë të vdisni dy deri në tre javë, dhe nëse nuk të ishin burra që kryenin marrëdhënie seksuale në parkingjet e makinave.
“Dua t’i kërkoj falje komunitetit LGBTQ+ për komentet lënduese dhe nxitëse që kam bërë. Përsëri, kërkoj falje për komentet e mia të keqinformuara në lidhje me HIV/AIDS dhe e dija që edukimi për këtë është i rëndësishëm. Dashuri per te gjithe. Zoti ju bekoftë,” shkroi reperi 29-vjeçar në llogaritë e tij në rrjetet sociale të hënën.
Faljet e tij të mëparshme janë kritikuar si jo të plota ose të pasinqerta.
Elton John, Madonna dhe Dua Lipa janë ndër muzikantët e shquar që kanë dënuar vërejtjet e DaBaby. Ai gjithashtu humbi një marrëveshje të markës me linjën e veshjeve “BoohooMan”. /Prive.al
