Ka tash e disa kohë që përflitet mbi një ‘High 4’ nga grupi ‘Babastars’.
Fillimisht, ishin disa indikacione nga emra brenda grupit përmes rrjeteve sociale që ngjallën dyshime teksa Prive.al me burimet e sigurta konfirmoi që një bashkëpunim i ri mes djemve do publikohet brenda 2017-tës.
E më në fund, zhvillimi është konfirmuar edhe nga vetë reperët!
Përmes një fotografie të përbashkët si rrallë herë të tubuar në një vend me praninë edhe të liderit Getoar Selimi, hip-hop artistët kanë paralajmëruar risi nën mbishkrimin ‘së shpejti’.
Duket që puna ka nisur dhe tashmë është thjesht çështje kohe deri në publikimin e këtij projekti që po pritet me pa durim nga fansat e label-it. /Prive.al/
