Këngëtari i famshëm, Enrique Iglesias është detyruar të anulojë disa koncerte në Evropën Lindore pas raportimeve për një mashtrim nga promovuesit.
Krijuesi i hitit Hero duhej të performonte në Kroaci, Letoni dhe Bjellorusi në dhjetor, por koncertet janë anuluar befas.
Një deklaratë e postuar në faqen e internetit të agjencisë Letoneze Bilesu Serviss pretendon se përgjegjësit e Iglesias në Agjencinë e Arteve Kreative anuluan shfaqjet pasi promovuesit nuk arritën të përmbushin anën e tyre të një marrëveshjeje për të organizuar koncertet.
“Fatkeqësisht, pas një konsiderate të kujdesshme dhe të mbetur pa alternativa të mundshme, ne jemi detyruar të anulojmë shfaqjet e ardhshme në Zagreb, Riga dhe Minsk”, thuhet në shpjegimin e tyre.
“ArtBG, promovuesi i turneut në koncert, prodhuesi dhe organizatori i ngjarjeve, nuk i kanë përmbushur detyrimet e tyre kontraktuale me vendet e eventit dhe të gjithë elementët e prodhimit për këto tre evente. Të gjitha këto e bëjnë të pamundur vënien në shfaqje që adhuruesit tanë meritojnë. Siguria për fansast dhe ekuipazhin tonë është parësore dhe ne nuk mund ta garantojmë këtë për të gjithë pa promovuesin të përmbushë detyrimet e tij. ”
Sipas faqes së industrisë së muzikës Pollstar, një promovues që pretendon të përfaqësojë ArtBG ka mashtruar fansat me paratë e tyre duke promovuar koncertet pa paguar as Enrique dhe ekipin e tij ose operatorët e vendit. Faqja e internetit të ArtBGpër të blerë biletat nuk funksionon më.
Në deklaratën për Bilesu Serviss, ekipi i Enrique premtoi se ata dhe ata që kanë punuar në datat e turneut “janë të përkushtuar për të siguruar që pala përgjegjëse, ArtBG, të mbahet përgjegjëse për veprimet e tyre”.
Burimi: Music News
