Së fundmi, Afrona Dika shfrytëzoi llogarinë e saj në Instagram ku numëron më shumë se 222 mijë ndjekës, për të theksuar siatuatën alarmante në Greqi.
Një nga kampet më të mëdha të Evropës, Moria në ishullin grek të Lesbos, po vuan nga kushte katastrofike të shkatuara nga një zjarr i madh.
“Ndërsa shumë vizituan Greqinë për pushime këtë javë, ata duhet të shihnin se çfarë po ndodhte nën hundët e tyre… kjo është e neveritshme! Por si duket tani jetojmë në një botë ku numri i rasteve të koronavirusit është më e rëndësishmja. Ju lutem ndani lajme të rëndësishme përsëri,” – shkruan Afrona në postimin e saj.
Rreth 13,000 njerëz, kryesisht refugjatë nga Afganistani, vendet afrikane dhe Siria, mbetën pa strehë, kanalizime të duhura ose pa akses në ushqim dhe ujë nga zjarri që shpërtheu në Moria, kampi më i madh i Greqisë. /Prive.al
