Adele do të bëjë një rikthim të mrekullueshëm në kohë të krishtëlindjeve, pasi ka kompletuar albumin e saj të katërt, të shumëpritur nga ndjekësit e saj, dhe do të mbajë një koncert televiziv në Las Vegas.
Ky koncert do të shënojë shfaqjen e parë live të 33-vjeçares pas katër viteve pauzë, pas turneut të saj rekord në stadium i cili përfundoi në vitin 2017.
Një burim i tha “The Sunday Mirror”: “Ka kaluar shumë kohë, por ajo dëshiron që të dalë para krishtlindjeve dhe të ketë pamjen e tyre në një shfaqje në Vegas.
Adele dhe menaxhmenti i saj kanë qenë në bisedime me ‘BBC America’ për ta transmetuar atë në të gjithë botën. Kjo do të jetë një nga shfaqjet e pakta si pjesë e turneut të saj promovues, shtoi burimi.
“Natyrisht me dramat e vazhdueshme, Covid-19 dhe shqetësimin për sigurinë mund të ndikojë në regjistrimin, por kjo është data e planifikuar tani”.
Adele tani është në një lidhje me agjentin sportiv multi-milioner Rich Paul. Në shtator, një mik i çiftit deklaroi se romanca e tyre po “bëhet më serioze”.
Çifti konfirmoi romancën e tyre muajin e kaluar pasi u panë në një darkë, pasi dolën në publik në korrik kur u ulën në fushë në ndeshjen e pestë të Finaleve të NBA në Phoenix, Arizona.
Adele përfundoi divorcin e saj nga Simon në mars dhe çifti ndan kujdestarinë e djalit të saj Angelo, tetë vjeçar.
