Lidhja e tyre e dashurisë, herë aktive e herë jo aktive, përfundoi në Mars.
Dhe duket se këngëtarja Selena Gomez, është liruar fort nga përfundimi i lidhjes së saj me këngëtarin Justin Bieber.
Një burim i revistës amerikane Us Weekly, ka potencuar se këngëtarja 25 vjeçare,e ka zgjedhur lumturinë e saj dhe të familjes para lidhjes me këngëtarin Bieber, dhe ka marrë vendim që të ndahet.
“Selena nisi ta shohë fotografinë e plotë dhe i peshoi gjërat se cila ishte më e rëndësishme: lumturia e saj apo aprovimi i miqve dhe familjes, apo të qenit në lidhje me Justin, duke mos e pasur përkrahjen e askujt”, ka thënë ky burim.
“Ajo është ndjerë keq dhe ka marrë vendim që t’i jap fund romancës dhe të shikojë drejt të ardhmes, në një kapitull të ri”, shkruan Us Weekly, raporton Prive.
