Anxhela Peristeri triumfoi mbrëmë në festivalin ‘Kënga Magjike’ në një rast të paprecedentë ku fituesi u përcaktua nga votimi i artistit të fundit.
Franc Koruni i dha zero pikë Elhaida Danit e cila printe deri në fund, për të determinuar fituesen, Anxhela Peristerin me ‘E çmendur’.
E ishte ky votim që u komentua shumë nëpër portale por pa prononcimin e protagonistit.
E për të herën parë, Franc Koruni foli në një lidhje telefonike në studion ku ishte prezente edhe Elhaida Dani tek ‘E diela shqiptare’.
Koruni nuk u shpreh me pendesë duke thënë se vlerësimin e kishte objektiv dhe të bazuar në shënime për secilën përformancë.
‘Prisnin të gjithë të thoja Elhaida dhe unë thash Kastro. Mendoja vërtetë që Kastro e meritonte cmimin e parë. Doja të thoja dicka, votimi bëhet dhe gjithë këngëtarët votojnë në një mënyrë ose tjetër. Realisht unë kam mbajtur shënime nga fillimi deri në fund të spektaklit dhe komentet i kam bërë bashkë.
Në fund më tepruan disa pikë për alternativa tjera. E para, nuk më vret ndërgjegja, unë kam votuar me kokën time dhe nuk njoh asnjë nga këngëtarët. Më erdhi keq për pesë pikët e fundit se Elhaida Dani më shpëtoi por gjithsesi bazuar në dëgjimin, unë Elhaidës nuk i jepja dot më shumë se 5-6 pikë dhe pastaj mora vesh që duheshin 11 pikë prandaj sërish nuk do çontë peshë. Unë votova këngën dhe jo njerëzit. Doja ta sqaroja këtë pjesë për faktin se u fol shumë.’ – tha mes tjerash Franc Koruni. /Prive.al/
