Ndër të paktat këngëtare shqiptare që arriti të dalë jashtë vendit me muzikën e saj.
Duke u dëgjuar në shumë vende të botës e në Kosovë top artiste, Era Istrefi ka depërtuar me një shpejtësi marramendëse në tregun muzikor duke u bërë qartazi më e “mira ndër shoqe”.
Por a e mbani mend cila ishte kënga e saj e parë?
“Mani për Money”, ishte kënga që ajo solli para 3 vitesh, duke prezantuar një stil krejt ndryshe dhe duke përqafuar stili reggae të muzikës.
Më pas në vitin 2014, ajo e solli këngën “A po don”, “E dehun” dhe “13”, duke vazhduar me “Njo si ti”, “Shumë Pis” bashkë Me Ledri Vulën dhe me superhitin që i doli i artë “Bonbon”.
Kënga e fundit e saj “Redrum” ka dalë të jetë suksesi i radhës, ndonëse nuk ka shpërthyer si “Bonbon” që i siguroi interpretime në televizionet e Gjermanisë e Francës.
