Ajo është ende vajza e tij e preferuar.
Justin Bieber dhe Hailey Bieber thuhet se janë “shumë të lumtur” pavarësisht thashethemeve se marrëdhënia e tyre po shkon drejt divorcit.
Një burim i tha revistës ‘People’ se çifti, i cili u martua fshehurazi në vitin 2018, “po ia del shumë mirë”.
“Nuk ka asnjë divorc dhe asnjë të vërtetë për këtë,” tha burimi i brendshëm. “Ata janë shumë, shumë të lumtur”.
Modelja gjithashtu mohoi thashethemet e divorcit të mërkurën teksa postoi në Instagram Story, një foto të adhurueshme të këngëtarit duke u përqafuar në shtrat me qenin e tyre.
Përditësimi për bashkimin e dyshes vjen më shumë se një muaj pasi babai i Hailey-t, Stephen Baldwin, ripostoi një mesazh nga ministri Victor Marx që u kërkoi fansave të “thonin pak lutje” për vajzën e tij dhe Justin.
“Të krishterët, ju lutemi kur mendoni për Justinin dhe Hailey-n, merrni një moment për të bërë një lutje të vogël që ata të kenë mençuri, mbrojtje dhe t’i afrohen Zotit,” shkroi Marksi sipër klipit të Justinit duke luajtur kitarë dhe duke kënduar.
Në mbishkrim, Marksi tha se gruaja e tij, Eileen, dhe nëna e Hailey, Kennya Baldwin, “luten shpesh së bashku” për çiftin e ri.
“Ka sfida të veçanta me të cilat përballen njerëzit në pozicione me shikueshmëri të lartë dhe gjithashtu armiku nuk dëshiron që ata t’i afrohen Jezusit,” pohoi ai në mbishkrim.
“Kështu që shpesh, pavarësisht nga gjërat materiale apo vlerësimet, ata shpesh përballen me një luftë shpirtërore që është intensive dhe kërkon të shkatërrojë besimin, martesën dhe jetën e tyre në përgjithësi. Pra faleminderit”.
Hailey, 27 vjeçe, thuhet se ishte “inatosur” që babai i saj mori publikisht çështjet familjare.
