Një dush në mëngjes – kjo është mënyra se si shumë njerëz e fillojnë ditën e tyre – por mund të jetë duke bërë më shumë dëm sesa mirë.
Sipas Sally Bloomfield, profesoreshë nderi në Shkollën e Higjienës dhe Mjekësisë Tropikale të Londrës, bërja e dushit në mëngjes mund të fshijë lëkurën tuaj nga vajrat e saj natyralë.
Në fakt, Bloomfield tha që shumica e njerëzve bëjnë dush çdo ditë sepse është “e pranueshme nga shoqëria” dhe ata duan të heqin qafe erën e trupit – por kjo nuk është e nevojshme nga pikëpamja mjekësore.
“Ka mikrobe në trupin tonë që prodhojnë erëra të këqija, por ato nuk janë të dëmshme për ne,” tha ajo për BBC Radio 5.
Bloomfield tha se dushi më shumë se një herë në ditë mund të largojë mikroorganizmat e trupit që ndihmojnë në kontrollin e niveleve të yndyrës në lëkurë.
Sipas Bloomfield, njerëzit bëjnë dush më shumë gjatë verës sepse djersiten dhe është e pakëndshme – por nuk ka domosdoshmërisht përfitime shëndetësore. Njerëzit shpesh ngatërrohen për ndryshimin midis pastërtisë dhe higjienës, shtoi ajo.
“Pastërtia është ajo që bëjmë për t’u dukur dhe për t’u ndjerë të pastër, por higjiena është pastrimi që bëjmë për të parandaluar përhapjen e mikrobeve,” shpjegoi ajo.
Bloomfield thotë se ka momente të caktuara kur patjetër duhet të bëni dush – si para se të shkoni në një pishinë, sepse mund t’i kaloni mikrobet nga trupi juaj te kolegët e notit. /Prive.al
