Pink Floyd janë ribashkuar për të regjistruar këngën e tyre të parë, të re pas 28 vjetësh, një këngë proteste kundër luftës në Ukrainë.
“Hey Hey Rise Up” përfshin anëtarët e Pink Floyd, David Gilmour dhe Nick Mason, me vokal nga këngëtari ukrainas, Andriy Khlyvnyuk, i grupit “BoomBox”.
Gilmour thotë se kënga është një shfaqje “zemërimi ndaj një superfuqie që pushton një komb paqësor”.
Por synohet gjithashtu si një nxitës moral për popullin e Ukrainës dhe një thirrje “për paqe”.
Puna për këngën filloi disa javë më parë, kur Gilmour u shfaq në Instagramin e Khlyvnyuk’s. Këngëtari kishte postuar pamjet e tij në sheshin Sofiyskaya të Kievit, plotësisht i armatosur dhe i gatshëm për të luftuar pushtimin rus.
Kënga u publikua në mesnatën e së premtes, ku të ardhurat do të shkojnë për ndihmën humanitare.
Kënga ka një rëndësi të veçantë për Gilmour, pasi nusja e tij është artistja me origjinë ukrainase Janina Pedan.
Ai i tha BBC-së se ajo kishte frymëzuar veprën artistike për këngën, e cila përmban lulen kombëtare të Ukrainës, luledielli.
“Nusja ime na tregoi historinë e një gruaje në fillim të këtij konflikti, duke u dhënë fara luledielli ushtarëve rusë dhe duke thënë se shpresonte që luledielli të mbinin aty ku vdisnin”.
