Instagram po lançon një opsion të ri të abonimit me pagesë për krijuesit sot brenda aplikacioneve të tij iOS dhe Android.
Me këtë funksionalitet të ri, Facebook po synon konkurrentët e mundshëm si OnlyFans që vazhdojnë të shohin rritje. Pavarësisht pakënaqësisë së Facebook me App Store, ata po përdorin sistemin e blerjeve brenda aplikacionit të Apple për këto abonime.
Me këtë, Apple do të mbledhë 30% të të gjitha tarifave të abonimit. Facebook thotë se ata po zhvillojnë një mënyrë që krijuesit të shohin “sa i paguajnë Apple”.
Abonimet në Instagram po fillojnë si një provë dhe ato janë të disponueshme vetëm për një grup të vogël krijuesish – këta krijues mund të zgjedhin tarifën e tyre mujore të abonimit dhe të shtojnë një buton të ri abonimi në profilin e tyre. Abonentët mund të kenë akses në tre opsione thelbësore të reja në Instagram.
Një abonim përfshin akses në transmetime LIVE ekskluzive, story që mund të shihen vetëm nga abonentët dhe një distinktiv që do të shfaqet pranë komenteve dhe mesazheve që tregojnë se jeni abonent. Instagram po planifikon të zgjerojë numrin e krijuesve që mund të krijojnë abonime me pagesë në muajt e ardhshëm. /Prive.al
