Disejnatorja Drenusha Xharra ka sjellë koleksionin e saj të ri për sezonin pranverë/verë 2016 të quajtur ‘Deer’.
Kjo linjë e veshjeve sjell inovacion në industrinë e modës pasi si inspirim ka veshjet e hipikëve në fund të viteve të 60-ta duke i gërshetuar në mënyrë koherente me ditët e sotme.
Disejnatorja është përkujdesur që edhe detajet si grimi, veshja, e flokët të jenë në sinkron me modelin që e frymëzoi për realizimin e këtij koleksioni.
Veshjet janë bërë për vajza nga mosha 18 vjeçare deri në të 30-tat dhe si fokus të klientelës kanë një treg krejtësisht të ndryshëm nga ky i joni.
Kjo linjë mund të gjendet tek show room-i i Blerim Berishës ‘BB Couture’ në New York ku edhe veshjet janë në shitje.
Ndryshe, edhe koleksionet e mëhershme të Drenushës si ‘Vertigo’ dhe ‘Rather nothing than anything’ në mesin e të tjerëve spikatën me standarte të reja të paeksperimentuara më parë nga disejnatorët e tjerë. /Prive.al/
