Në zgjedhjet amerikane të këtij viti, Dukesha e Sussex, Meghan Markle do të bëjë histori kur te votojë në
nëntor, kur e gjithë Amerika do të vendose për t`i dhënë një mandat të dytë Trump ose të një president të ri.
Së fundmi, Meghan Markle iu bashkua Michelle Obama, Gabrielle Union, Alexandria Ocasio-Cortez, Hillary
Clinton dhe 95 grave të tjera të fuqishme teksa flisnin për revistën “Marie Claire” për planet e tyre për të
votuar në zgjedhjet e ardhshme.
“Unë e di se si është të kesh një zë, dhe gjithashtu se si është të ndjehesh pa zë,” tha 39-vjeçarja. “Unë
gjithashtu e di se kaq shumë burra dhe gra kanë rrezikuar jetën e tyre që ne të dëgjohemi. Dhe kjo mundësi,
kjo e drejtë themelore, është në aftësinë tonë për të ushtruar të drejtën tonë për të votuar dhe për t’i bërë
të gjithë zërat tanë të dëgjohen. “
Historikisht, mbretërit nuk votojnë në zgjedhje dhe zakonisht mbeten asnjanëse politikisht. Sidoqoftë, nuk ka
asnjë ligj që e ndalon atë. Kështu që Meghan do të jetë anëtarja e parë e familjes mbretërore që do të
ushtrojë publikisht të drejtën e tyre të votës.
Po, për ata që pyesin veten, Meghan ende konsiderohet pjesë e familjes mbretërore pavarësisht vendimit të
saj dhe Princit Harry për t’u larguar. Megjithëse Meghan nuk zbuloi për kë po voton.
