Dashuri, romancë, karamele, lule, kartolina, dhurata, darka dhe vallëzime, janë disa nga gjërat që e karakterizojnë 14 shkurtin, Ditën e të Dashuruarve.
Në këtë ditë njerëzit shprehin dashurinë për të dashurin, të dashurën, burrin, gruan. Pas festimit të Javës së Shën Valentinit për një javë të tërë, kjo ditë plot dashuri është e veçantë për çiftet e martuar si dhe për të pamartuarit. Në këtë ditë të dashuruarit festojnë ngrohtësinë në marrëdhëniet e tyre me partnerin apo të dashurin.
Dita e Shën Valentinit vjen së bashku me një mori planesh që janë të destinuara për të gjithë në një gjë: Dashuri. Dhe gjithçka vjen në emër të një njeriu, Shën Valentinit, i cili ishte një personazh interesant (dhe ndoshta pak i keqkuptuar) në histori.
Derisa disa njerëz besojnë se historia e kësaj dite është mjaft e qartë, realiteti është se historia pas Ditës së Shën Valentinit është e mbuluar me një mister të madh. Tradita e përshëndet 14 shkurtin (dhe ndoshta edhe të gjithë muajin shkurt!) si një kohë për dashuri dhe romancë, me prejardhje të lashtë romake dhe të krishterë.
Dita e Shën Valentinit nuk filloi të festohej si një ditë romantike deri në shekullin e 14-të.
Megjithëse kishte disa martirë të krishterë të quajtur Shën Valentini, dita mund ta ketë marrë emrin nga një prift që u martirizua rreth vitit 270 të erës sonë nga perandori Klaudi II Gotik. Sipas legjendës, prifti nënshkroi një letër “nga Shën Valentini juaj” për vajzën e rojtarit të tij, me të cilën ai ishte miqësuar dhe e kishte shëruar nga verbëria. Tregime të tjera thonë se ishte Shën Valentini i Ternit, një peshkop, për të cilin u emërua festa, megjithëse është e mundur që dy shenjtorët të ishin në të vërtetë një person. Një tjetër legjendë e zakonshme thotë se Shën Valentini kundërshtoi urdhrat e perandorit dhe martoi fshehurazi çiftet për të kursyer burrat nga lufta.
