Korriku qenka muaji më i shtrenjtë i vitit për Xhensila Myrtezaj dhe jo pa shkak!
Sot feston ditëlindjen nëna e këngëtares ndërsa 3 ditë më pas feston edhe ditëlindjen e vajzës së saj të vogël Ajka.
Në një dedikim të ndjerë e emocionues për të ëmën, ylli i “Sekreti” sot që është bërë nënë edhe vet kupton fare mirë edhe sakrificat e saj. Për nënën e saj ajo thuri disa rreshta ku uron asaj ditëlindjen, dhe me ndjeshmëri të madhe ndërthur edhe eksperiencën e saj si nënë e re.
“Korrik i shtrenjtë, sot zgjohem me shumë gëzim. Nëna që më dha jetën sot ka ditëlindjen, dhe ndërkohë që unë përgatitem për ditëlindjen e mbesës së saj , kuptoj nënën time. Ma të them se sa shumë të dua dhe sa mirënjohëse jam për sakrificat që ke bërë për mua. Të kërkoj falje për çdo teke, sot kuptoj dhe sa shumë të kam munduar kur vrapoje lulishteve pas meje kur unë isha sa Ajka jonë sot, vetëm për të mbaruar pjatën e supës. Të gëzofshim edhe shumë e shumë vite, unë, Alba, Ajka”, shkruan Xhensila në fotot e publikuara në Instagram. /Prive.al
