Nëna e këngëtares së njohur Rita Ora, zonja Vera i ka dalë në mbrojtje Beatrix Ramosajt.
Ajo ka ndarë mesazhin e para dy ditëve të këngëtares në rrjete sociale duke u shprehur:
“Jemi komb i lashtë. Kemi tradita të forta dhe rini të bukur. Hajde t’i ndihmojmë njëri-tjetrit pavarësisht kush është në pyetje. Bullizmi s’ka vend në vendin tonë”.
I menjëherëshëm ka qenë reagimi i Trixës e cila ka deklaruar:
“U zgjova këtë mëngjes me këtë postim kaq të rëndësishëm për të gjithë ne. E dimë që bullizmi ka rrënjë të thella, sidomos në një komb të vogël si i yni. Siç e idmë dhe që ditë pas dite mund të bëjmë një hap përpara për ta tejkaluar atë. Të njohur, të panjohur, publik, jopublik. Më besoni një koment dashakeq dhemb njësoj. Falemnderit Vera Ora. Përulem para gjithë punës suaj për shëndetin mendor dhe të drejtat e njeriut”.
Kujtojmë se zonja Vera Ora është psikiatre në shërbimin shtetëror britanik shëndetësor dhe mbetet një avokuese e fortë në rrjete sociale për tematika të kësaj natyre në vendin tonë. /Prive.al
