Ka kohë që Tuna dhe Yll Limani kanë paralajmëruar një këngë së bashku dhe ky është momenti i shumë pritur nga fansat e tyre.

Këngëtarët e kanë publikuar duetin e përbashkët, i cili po ashtu është pjesë e albumit të ri të Tunës me titullin “Fortuna”.

Ky është edhe dueti i parë i dyshes ndërsa Tuna ka folur në piedestal për të.

“Ky duet e pat dorën e lehtë… e pastë kamën e mbarë. “A don hala” me @ylllimani do t’ju lërë shenjë”, ka shkruar këngëtarja.

Ditë më parë madje ajo e pati falënderuar shumë Limanin për përkrahjen që i ka dhënë në punimin e albumit të ri.

“Yll, mezi pres publiku të dëgjoj këngën e shkruar nga ti “Plagë” dhe duetin tonë “A don hala”…. Dije se ti nuk je prezent vetëm aty, ti je kudo në album. Nga fillimi deri në fund. Ashtu si që ishe me mua nga fillimi deri në publikimin e albumit. Nuk mjaftojnë fjalët për të të thënë TË FALEMINDERIT dhe për të shpreh mirënjohjen që kam për ty si artist dhe si mik!”, kishte shkruar këngëtarja për Limanin.