Ajo raportohet të jetë njëra ndër këngëtaret më të pasura të reja të muzikës në Britani të Madhe, me rreth 18 milionë funte pasuri sipas The Sunday Times Rich List.
Dhe Rita Ora po raportohet të ketë ndarë pak nga pasuria e saj e fituar, për të blerë një shtëpi luksoze për prindërit në vendlindjen e saj në Kosovë.
Sipas gazetës britanike The Sun, krijuesja e hitit Hot Right Now, ka shpenzuar 1.5 milionë funte në pronën luksozë në një vend në periferi të Prishtinës.
Shtëpinë e porsablerë e kishte prezantuar edhe nëna e këngëtares, Vera Ora në Instagramin e saj duke shkruar: Shtëpia është aty ku është zemra.
“Edhepse jetojmë në Londër, është tejet e rëndësishme për ne dhe fëmijët tanë që në të ardhmen të mund ta vizitojnë qytetin tonë të lindjes, Prishtinën”, kishte thënë ajo.
Ndërsa një burim pranë familjes për këtë gazeta, ka thënë se tërë familja e Ritës ka kontribuuar në suksesin e saj dhe më shumë se cdo gjë, ajo dëshiron që t’ua sigurojë atyre një jetë të rehatshme, transmeton Prive. /Prive.al
