Selena Gomez tha se ajo ‘qau si një fëmijë i vogël’ kur u nominua për çmimin e saj të parë Grammy.
Këngëtarja 29-vjeçare ka marrë nominimin e saj të parë nga Akademia e Regjistrimit, në kategorinë e albumit më të mirë latin pop për EP-in e saj spanjoll “Revelacion” dhe ajo pranoi se vendi i saj në listën e të nominuarve ishte surprizë.
“Shumë faleminderit. Unë qava si një fëmijë i vogël. Isha shumë e emocionuar”, tha ajo për “Entertainmet Tonight”.
“Kam punuar shumë për atë projekt, kështu që ishte një surprizë e bukur. Jam shumë e emocionuar!” ajo tha.
Selena, e cila shkroi gjashtë nga shtatë këngët në albumin “Revelación” më parë pranoi se nderimi i trashëgimisë së saj në muzikën e saj është diçka që ajo ka dashur të bëjë për një kohë të gjatë.
“Kjo ka qenë diçka që kam dashur të bëj për 10 vjet, duke punuar në një projekt spanjoll, sepse jam shumë, shumë krenare për trashëgiminë time dhe me të vërtetë ndjehem sikur doja që kjo të ndodhte”, tha Gomez, babai i së cilës është me origjinë meksikane dhe ka marrë emrin e këngëtares Tejano Selena, e cila vdiq në vitin 1995.
Mamaja e këngëtares është pjesërisht me prejardhje italiane.
“Dhe ndodhi, dhe ndihem sikur është koha perfekte,” shtoi ajo.
“Me gjithë ndarjen në botë, ka diçka rreth muzikës latine që globalisht thjesht i bën njerëzit të ndiejnë gjëra, e dini?” Gomez shtoi.
Të hënën, Gomez gjithashtu u nominua për çmimin “Critics Choice Award” si aktorja më e mirë në një serial komedi për “Hulu’s Only Murders In the Building”.
