Kur është hera e fundit që keni ndërruar furçën e dhëmbëve? Për shumë njerëz, përgjigjja është “shumë kohë më parë”.
“Njeriu duhet të ndërrojë një furçë dhëmbësh të re çdo tre deri në katër muaj”, tha Dr. Kevin Sands, dentist me qendër në Beverly Hills. “Kjo siguron që qimet janë ende efektive dhe akumulimi i baktereve në furçë dhëmbësh është minimal”, raporton CBS News, transmeton Klankosova.tv.
Shoqata Amerikane Dentare (ADA) thotë se duhet të ndërroni më shpesh furçën e dhëmbëve nëse qimet e saj janë dukshëm të papastra ose të vjetërsuara.
Me sezonin e viruseve pranë nesh, është një mirë që furçat t’i ndërroni posa ta kaloni sëmundjen.
“Pasi të jeni shëruar nga sëmundja, është më mirë të filloni me një furçë dhëmbësh të re që është e pastër dhe e freskët, vetëm për të qenë të sigurt”, thotë Sands. “Është një zgjidhje e lehtë për bakteret e mbetura”.
Këshilla për higjienën e furçës së dhëmbëve
Por, si ta mbani furçën tuaj të dhëmbëve në gjendjen më të mirë derisa të vijë koha për ta zëvendësuar?
Doktori Sands dhe ADA propozojnë ta shpëlani pas çdo përdorimi.
“Për shumicën e njerëzve, përdorimi i ujit të nxehtë të rrjedhshëm për të shpëlarë furçën e dhëmbëve është zakonisht i mjaftueshëm për ta mbajtur atë të pastër në baza ditore”, thotë Sands. “Uji i nxehtë do të ndihmojë në zbutjen e qimeve dhe lirimin e grimcave të pastës së dhëmbëve dhe ushqimit”.
Edhe vendi ku e lini furçën është shumë me rëndësi. “Bakteret mund të rriten lehtësisht në furçat e dhëmbëve, kështu që është e rëndësishme t’i ruani ato në një vend të pastër dhe të thatë”, thotë Sands.
Kjo do të thotë që duhet të përdorni kapak apo mbulesë të furçës së dhëmbëve, të cilat mund të bllokojnë mikrobet në furçën tuaj.
“Mikrobet pëlqejnë të rriten në vende me lagështi dhe të errëta, dhe kjo është furça e dhëmbëve kur e mbuloni atë”, tha dentisti nga Kalifornia Dr. Kami Hoss për CBS News Sacramento në fillim të këtij viti.
Një çantë mbrojtëse në valixhen ose çantën e tualetit është një mënyrë e mirë për ta mbajtur të pastër furçën e dhëmbëve gjatë udhëtimit, shton Sands, por mos harroni ta hiqni atë nga kutia dhe ta lini të thahet në ajër ndërmjet përdorimit.
Nëse ndani një banjë me dikë, Qendrat për Kontrollin dhe Parandalimin e Sëmundjeve (CDC) sugjerojnë gjithashtu shmangien e kontaktit midis furçave për të parandaluar përhapjen e baktereve.
“Nëse më shumë se një furçë ruhet në të njëjtin mbajtës, mos i lini të prekin njëri-tjetrin”, këshillon CDC. /Klankosova.tv
