Moderatorja e emisionit “Boom”, këngëtarja dhe tekstshkruesja Rozana Radi, është ndër fytyrat publike që janë goxha aktive në rrjetet sociale, duke postuar foto e po ashtu qëndrime sa i përket shoqërisë shqiptare.
Rozana Radi gjithmonë ka qenë zëri i grave shqiptare, dhe ajo është munduar që të flas përmes artit të saj për të drejtën shoqërore që gëzon një grua si qenie e barabartë me burrat. “Burrat nuk mund të lindin fëmijë sepse Zoti e pa se si ata përjetojnë një grip të thjeshtë dhe mendoi se po provuan ata dhimbjet e lindjes, do zhdukeshin si specie”, tha në njërin nga postimet Rozana.
Por në postimin e fundit në Instagram, kësaj radhe Rozana shkruajti për personin e saj më të shtrenjtë që nuk jeton më. Këngëtarja e njohur është ndjerë shumë e mërzitur, duke ndarë disa fjalë të ndjera për babain e saj. Ajo shkruan:
“Jam e mërzitur për babain i cili më thoshte të kisha kujdes veten. Ah sikur të kisha mundësi ta lajmëroja se e humba veten ditën kur ai u largua!”
