Reperi Tekashi 6ix9ine u la në arrest shtëpie të enjten për shkak të frikës se astma e tij kronike e bën atë të prekshëm ndaj koronavirusit.
“Ai është jashtë dhe ai është shumë i lumtur që u la i lirë,” tha avokati i tij mbrojtës, Lance Lazzaro, për NBC News.
Reperi 23-vjeçar, emri i vërtetë i të cilit është Daniel Hernandez, ishte vendosur në një strukturë private nën kontratë me Byronë Federale të Burgjeve. Ai po vuante burg pasi u deklarua fajtor për akuza të shumta për mashtrim, vepra të armëve të zjarrit dhe trafik droge.
Duke përmendur shqetësimet e sigurisë, Lazzaro nuk pranoi të zbulojë se ku gjendej klienti i tij dhe nuk pranoi të thoshte se ku do të qëndronte për katër muajt e fundit të dënimit të tij dy vjeçar.
