Aktori amerikan Garrett Hedlund u arrestua për dehje publike të shtunën mbrëma në Tenesi, raporton TMZ.
Ylli i “Friday Night Lights”, 37 vjeç, u arrestua dhe u mbajt në paraburgim në Franklin County me një garanci të caktuar prej 2,100 dollarë. Sipas gazetës, Hedlund nuk ka bërë ende dorëzani.
Arrestimi ndodhi vetëm një ditë pasi u publikua lajmi se Hedlund u nda nga e dashura Emma Roberts. Të dy kanë një fëmijë së bashku: djalin 1-vjeçar Rhodes.
Sipas “People”, dyshja i dhanë fund lidhjes disa javë më parë pas disa muajsh të vështirë në lidhjen e tyre.
“Është e trishtueshme dhe ata po përpiqen të bëjnë më të mirën që të bëhen bashkëprindër. Ka qenë e vështirë”, tha një burim i brendshëm për gazetën.
Roberts dhe Hedlund u lidhën për herë të parë në mars të vitit 2019. Dyshja njoftuan se po prisnin fëmijën e tyre të parë së bashku në gusht të vitit 2020 përpara se të mirëpritnin në jetë djalin e tyre dhjetorin e kaluar.
Siç është raportuar më parë nga Page Six, Hedlund është paditur gjithashtu për neglizhencë pasi dyshohet se shkaktoi një përplasje kokë më kokë kur e zuri gjumi në timon ndërsa ngiste në Los Angeles në janar 2020.
Hedlund u gjykua në shkurt 2020, por në asnjë moment nuk e pranoi fajësinë.
Aktori u dënua me 36 muaj provë dhe iu kërkua të përfundonte një program edukimi dhe këshillimi nëntë mujor të alkoolit dhe drogave, sipas dokumenteve të gjykatës.
