Se Tea është në një lidhje të re pas ndarjes nga Bearti, për këtë nuk kemi dyshime.
Një gjë të tillë, bukuroshja e ka thënë vetë përmes intervistave, por pa zbuluar më shumë.
Kanë qenë mediat ato që kanë gërmuar e madje duke pretenduar se kanë gjetur të dashurin.
Dje, e reja e fundit ishte ndarja sipas disa portaleve në Shqipëri.
Kjo ka bërë që të reagojë vetë Tea, e cila ndonëse nuk e ka mohuar direkt vërtetësinë e lajmit është ndalur tek të tjera detaje.
“Më keni lodhur shumë duke më përfshirë në situata që vetëm i hamendësoni. Aspak korrekte dhe humane. Vazhdon e vazhdon të ndodhi gjithë kohën dhe nuk u jam përgjigjur kurrë sepse secili ka mënyrën e vet me të cilën ushqehet. Por jo kur arrin në çmime të tilla privatësia dinjiteti dhe shitja e lajmeve dhe emrave në shumicën e rasteve të rreme. T’u vijë turp. Nëse do ketë diçka të re për të thënë sa i përket jetës sime, ua them vetë siç kam bërë deri tani. Mjaft besuar këto pseudo-portale të turpshme.” – është shprehur Tea.
