Pas suksesit të filmit komedi dhe romancë “2 Gisht Mjaltë”, Ermal Mamaqit si duket i mbeti një shije e ëmbël për tu fokusuar ende më shumë në produksionin e filmave shqiptarë.
Aktori dhe producenti i njohur, do të sjellë shumë shpejt filmin e tij më të ri të titulluar “I love Tropoja”.
Deri tani, është zbuluar se pjesë e kastit të aktorëve do të jenë dy këngëtaret Enca Haxhia dhe Bleona Qereti, aktorja Arjola Demiraj, Uindi Haxhia, si dhe doktori i njohur i VIP-ave, Skerdi Faria.
Edhe pse nga kasta e aktorëve nuk janë zbuluar shumë emra, ai zbuloi një person shumë të veçantë me të cilin ndau skenat e xhirimit.
“Ditë me emocione dje… Momenti kur ndava skenën e xhirimit me djalin tim. Joel Mamaqi në filmin I ❤ Tropoja.” – shkroi ai në postimin e tij në Instagram ku ka ndarë një foto të tij dhe Joelit të shkëputur nga skenat e xhirimit.
Ermali dhe i biri i tij Joel do të kenë një skenë në filmin në fjalë, dhe do të jetë për ta gjithnjë një emocion i veçantë. / Prive.al
