Jo shumë kohë më parë ai ishte ndër emrat më të komentuar në rrjet.
Kuzhinieri Renato Mekolli u përfol gjerësisht gjatë sezoneve të programit “Hell’s Kitchen”.
Sjellja arrogante e tij kundrejt konkurentëve (siç edhe e kërkon formula) nuk u prit mirë nga shqiptarët, ndonëse audienca për këtë format në tre sezonet e tij ishte në kulm.
Por, ka mbi një vit nga hera e fundit kur kemi dëgjuar për shef Renaton.
Postimi i tij i fundit është në janar të 2021-ës, atëherë kur edhe u mbyll cikli i “Hell’s Kitchen” me tre sezone rresht.
Çfarë ka ndodhur me Renaton? Ku është ai?
Mos u shqetësoni, shefi është mirë vetëm se ka marrë pushim nga rrjetet sociale, e me shumë gjasë edhe nga televizioni.
Në vëmendje, atë e ka risjellë këngëtarja Rozana Radi e cila mbrëmë ka postuar një fotografi nga restoranti ku është i angazhuar këto kohë shef Renato, i cili duket ta ketë mbyllur nga periudha pandemike e këndej restorantin e tij “Umami”.
Nuk dihet nëse në planet e afërta të tij mbetet një format i ri gatimi në Top Channel apo diku tjetër. /Prive.al
