Aktorja Adriana Matoshi dikur ka qenë në qendër të vëmendjes me romancën e saj me futbollistin afrikan, Keith Groeneveld.
E mbi këtë lidhje Matoshi ka folur së fundmi në podkastin e Ilnisa Agollit, derisa tha se e “ka shijuar pafund” atë periudhë.
Madje, deputetja e LVV-së, tha se nuk pendohet fare për romancën me Groeneveld.
“Unë në atë periudhë jam kënaqur. Në të gjitha periudhat dhe sfidat e mia kam gjetur një kënaqësi. Unë tash jam duke u kënaqur, sepse unë po i përjetoj. Gjërat që përjetohen nuk harrohen. Kam pasur një përjetim të jashtëzakonshëm që nuk jam pishman fare. Kam përjetuar një dashuri të jashtëzakonshme, por asnjëherë nuk kam thënë që do të zgjasë gjithë jetën”, tha Matoshi.
