Të gjithë kemi parë të paktën “Taken 1” dhe njohim Markun nga Tropoja.
Rrjedhimisht edhe vetë aktori fitoi famë në vendet shqipfolëse, si protagonisti i filmit që nxjerr në pah mafian shqiptare.
Aktori Liam Neeson prapë do të jetë protagonist në një film, por që përshkruan një tjetër realitet shqiptar.
Bëhet fjalë për filmin e zhanrit thriller “Charlie Johnson in the Flames”, nën regjinë e Tarik Salehit. Ndonëse ende në fazën e paraproduksionit, ky projekt bazohet në përshtatjen e romanit me po të njëjtin titull të autorit kanadez Michael Ignatieff.
Gazetari amerikan Charlie Johnson dhe kameramani i tij polak Jacek hetojnë dhunën që po ndodh në Kosovë. Ndërsa në territorin e okupuar nga serbët, ku ka pasur luftime të njëpasnjëshme guerile, ata fshihen në një shtëpi që i përket një familje myslimane. Ata shohin një njësi patrullimi serbe shkatërrojnë një shtëpi dhe ndezin në zjarr një grua që po tentonte të ikte. Një Charlie i tmerruar përpiqet të ndihmojë gruan por ajo vdes në një spital fushor Amerikan. Ngjarja përndjek Charlie, edhe pasi ai të kthehet në familjen e tij në Angli. Në përpjekje për të kuptuar se si dikush mund të justifikonte veprime të tilla, Charlie gjurmon zyrtarin përgjegjës për ta pyetur atë pse bëri atë që bëri.
