Kryeministri shqiptar Edi Rama kënaqet të nxjerrë në pah karrierën e tij si artist vizual dhe shijet si piktor.
Në kohën kur ai ishte kryebashkiak i Tiranës, 2000 – 2001, u bë i njohur në botë pasi vendosi të ngjyrosë ndërtesat e trashëguara nga diktatura komuniste”.
Nis kështu shkrimi i prestigjozes franceze “Le Mond”, për prishjen e Teatrit Kombëtar në Tiranë.
“Me motive shpesh të krijuara nga ai vetë, ai i dha Tiranës pak frymë galerie në qiell të hapur, shkruan Abcnews.
“Por të dielën e 17 majit, i njëjti Edi Rama, tashmë 55 vjeç, kryeministër që nga 2013, dërgoi policinë dhe fadromat në orët e para të mëngjesit për të shembur një nga institucionet e rralla kulturore të vendit dhe një nga sallat e veçanta për spektakle, Teatrin Kombëtar. Brenda tij, dhjetëra katrorë dhe aktivistë që ruanin godinën nga shembja prej më shumë se dy vjetësh, u larguan me dhunë nga policia”.
Më tej në shkrim citohet dhe regjisori Edmond Budina, i cili shprehet se ata erdhën në orën 4 e 15 të mëngjesit kur në ambientet e teatrit kishte ende rreth 60 vetë, të cilët u larguan me forcë dhe fadromat nisën shembjen.
Budina është një nga përfaqësuesit e Aleancës Për Teatrin dhe prej 2018-ës mbronte ndërtesën e ngritur në 1940-ën kur vendi ishte pushtuar nga Italia. Manifestimi i tyre u mbështet dhe nga liderë e përfaqësues të opozitës.
