Mbretëresha Elizabeth, ka rezultuar pozitive me Covid-19, deklaroi Buckingham Palace.
Mbretëresha po përjeton “simptoma të lehta të ngjashme me të ftohtin”, por pret të vazhdojë “detyrat e lehta” në Windsor gjatë javës së ardhshme, tha pallati.
“Ajo do të vazhdojë të marrë kujdes mjekësor dhe do të ndjekë të gjitha udhëzimet e duhura”, shtohet në një deklaratë.
Djali dhe trashëgimtari i saj i madh, Princi i Uellsit, rezultoi pozitiv më 10 shkurt, pasi takoi nënën e tij më 8 shkurt.
Kuptohet se një numër njerëzish kanë rezultuar pozitivë në Kështjellën Windsor, ku banon mbretëresha.
Testi pozitiv vjen disa ditë përpara se Anglia pritet të heqë kërkesën ligjore për t’u izoluar për ata që infektohen me Covid, pasi kufizimet e fundit të virusit janë vendosur të hiqen.
Mbretëresha, e cila do të jetë 96 vjeç në prill, bëri vaksinën e saj të parë në janar të vitit 2021 dhe besohet se i kishte bërë të gjitha vaksinat pas kësaj.
Buckingham Palace po pret shërimin e Mbretëreshës për të vazhduar detyrat e saj.
