Për momentin duket se tërë qenien e saj ia ka dedikuar të birit.
Këngëtarja Tuna Sejdiu, nuk ka paralajmëruar as projekte të reja muzikore për këtë verë e as koncerte. Kjo ngase nuk ka as një muaj që u bë nënë për herë të parë, duke sjellë në jetë një vogëlush.
Tian është emri që ajo dhe Patri Berisha vendosën t’ia vënë djalit të tyre të parë, me të cilin po shijojnë momente të bukura.
Këtë të paktën, na e kanë dëshmuar përmes fotografive të publikuara në rrjetet sociale.
Si gjithmonë, edhe në imazhin e fundit Tuna është paraqitur me shumë stil duke shëtitur me karrocë bebesh Tianin, diku në rrugët e Prishtinës.
Në këtë fotografi shihet këngëtarja duke e nxjerrë në shëtitje Tianin dhe duket mjaft në formë, pasi nuk ka kaluar shumë kohë që nga lindja.
“Me partnerin tim në krim”, ka shkruar Tuna, në mbishkrimin e kësaj fotografie. /Prive.al
