Kim Kardashian është rikthyer në Shtëpinë e Bardhë Presidenciale të Shteteve të Bashkuara.
38 vjeçarja, yll i serialit televiziv reality, i është bashkuar presidentit Donald Trump në një konferencë për media, për të folur për të burgosurit dhe shansin e dytë që ata meritojnë në jetë.
Në Washington DC, ajo ka folur për iniciativën e saj për t’i ndihmuar të dënuarit për krime, duke u siguruar intervista pune.
“Është një nder i madh që të jem këtu. Kam ardhur në një pikë të jetës ku dua që ta bëj diferencën dhe dua ta bëj gjënë e duhur. Pasi vizitova të burgosurit, zemra ime është hapur aq shumë, saqë dua të bëj shumë më shumë. Kështu, fillova të studioj për avokate”.
Kjo nuk është hera e parë që Kim viziton institucionin më të lartë shtetëror amerikan, pasi në shtëpinë presidenciale, ajo ka qenë disa herë e është takuar me Donald Trump. /Prive.al
