Njeriu i akuzuar për vrasjen e legjendës së repit Tupac Shakur në vitin 1996 është deklaruar i pafajshëm para një gjyqi të madh jurie në Las Vegas.
Vrasja e Tupac Shakur tronditi botën e muzikës në vitin 1996, shkruan Euronews, transmeton Klan Kosova.
Askush nuk ishte akuzuar zyrtarisht për vrasjen që ndodhi 27 vjet më parë. Megjithatë, në fillim të këtij viti, policia e Las Vegas bëri përparime në këtë rast.
Duane ‘Keffe D’ Davis u arrestua më 29 shtator nga një shtëpi në Henderson, Las Vegas, pjesërisht pas përshkrimeve të tij në vitet e fundit rreth orkestrimit të të shtënave vdekjeprurëse me makinë.
Davis është i vetmi person ende gjallë që ishte në automjetin nga i cili u qëlluan dhe i vetmi person i akuzuar ndonjëherë për një krim në këtë rast.
Në gjykatë të enjten, Davis qëndroi në pranga ndërsa priste procedurat dhe i bëri me dorë gruas, djalit dhe vajzës së tij në sallën e mbushur me spektatorë. Ai u deklarua “i pafajshëm” para gjyqtarit të Gjykatës, Tierra Jones.
