Kënga e re e Greta Koçit megjithëse u pëlqye shumë, nuk e pati të gjatë në Youtube. Kjo për faktin se siç u paralajmërua nga producenti Chips, ajo sot është bllokuar për çështjen e të drejtave autoriale.
Ky i fundit po pretendon se këngëtarja nuk ka kryer pagesën për këngën dhe e ka mohuar autorësinë në punimin e saj.
E duket se kjo mund të ketë të bëjë me një lojë hakmarrjeje pasiqë sot kur ndodhi bllokimi, Greta ka njoftuar se me 1 shkurt 2016 ka paditur Chipsin për mashtrim në lidhje me instrumentalin e këngës me Enin dhe Goldin që siç u raportua nga Prive ishte i vjedhur pa dijeninë e këngëtarëve.
Ndryshe, Greta ka premtuar rikthimin e këngës ‘I besova’ në Youtube duke e konsideruar bllokimin si një sulm nga hakerë të cilët tashmë i ka denoncuar në sektorin e krimeve kibernetike. /Prive.al/
