Duke shfrytëzuar një fotografi nga një fushë futbolli, ai ka ironizuar me kolegët e tij.
Reperi i njohur shqiptar Gold AG, ka publikuar në profilin e tij në Instagram një imazh, ku shihet futbollisti I famshëm Messi, në një lojë në kampionatin e futbollit i rrethuar nga lojtarët kundërshtarë.
Ai është i vetëm në atë pjesë të fushës, i vënë në mes dhe i zënë paksa në kurth nga kundërshtarët, megjithatë ai është Messi, fitues i shumëfishtë i topit të artë dhe supozohet t’ia dalë asaj situate.
Por në fakt, Gold portretizon diçka tjetër përmes kësaj loje futbolli. Sipas tij, ai është për estradën sikurse Messi për futbollin, e lojtarët e tjerë, janë ata që përpiqen ta pengojnë të japë më të mirën në fushë.
Goxha thumb Gold!
