Gigi Hadid ka thyer heshtjen e saj pasi u raportua se ajo është ndarë nga i dashuri i saj Zayn Malik, pas akuzave të nënës së saj Yolanda se ai e kishte goditur atë.
Në një deklaratë të lëshuar të enjten, një përfaqësues i modeles tha për E ! NEWS “Gigi është e fokusuar vetëm në më të mirën për Khai. Ajo kërkon privatësi gjatë kësaj kohe”, shkruan Daily Mail.
Kjo vjen pasi u raportua nga “People Magazine” se ajo dhe Zayn nuk janë më në lidhje, dhe një burim tjetër që tha: “Ata nuk janë bashkë tani. Megjithatë, të dy janë prindër të mirë”.
Tani pretendohet se ndarja e çiftit erdhi nga ‘tensioni’ i shkaktuar nga Zayn i cili akuzoi Yolanda-n për zbulimin e lajmeve të shtatzënisë së Gigi në vitin 2020, gjë që çoi në grindjen ku ylli i ‘Real Housewives’ pretendon se Zayn e goditi atë.
Zayn ka mohuar akuzat e saj, duke thënë se shkëmbimi i tyre ishte thjesht ‘fjalë e ashpër’.
Burimi shtoi: “Ata janë bashkëprindër. Yolanda sigurisht që është shumë mbrojtëse ndaj Gigi-t. Ajo dëshiron më të mirën për vajzën dhe mbesën e saj”.
Zayn dhe Gigi, të cilët kanë pasur lidhje që nga viti 2015, mirëpritën fëmijën e tyre të vetëm në shtator të vitit 2020.
Tani është raportuar se Zayn dhe Gigi u ndanë pasi ai akuzoi Yolanda-n për zbulimin e lajmeve të shtatzënisë së tyre vitin e kaluar, kur çifti kishte vendosur ta mbante atë private derisa vajza e tyre të lindte.
Një burim i tha ‘The Sun’: “ Tensioni filloi me të vërtetë mes Yolanda dhe Zayn vitin e kaluar kur ai dyshoi se ajo ishte ajo që zbuloi lajmet e tyre për shtatzëninë në radhë të parë.
“Ata ishin shumë mirënjohës për atë privatësi dhe u mërzitën shumë kur doli. Zayn është një person shumë privat dhe ndërsa është në lidhje me të, Gigi është bërë shumë më private gjithashtu.
Burimi shtoi se Zayn është “përplasur” me Yolandën sepse ajo nuk ndjen “të njëjtën ndjenjë të privatësisë si ai”.
Mendohet gjithashtu se Gigi ndjen se është ‘në mes’ të sherrit të Zayn dhe Yolanda, por nuk ka marrë asnjë anë.
Ata shtuan se Khai mbetet prioriteti i saj numër një dhe për hir të të gjithë të përfshirëve ajo ka vendosur të ndahet nga Zayn për momentin.
Burimet kanë shtuar se dyshja nuk e kanë përjashtuar mundësinë e ribashkimit në të ardhmen dhe se ata ‘synojnë’ të rikthehen bashkë.
Sipas TMZ, Yolanda pretendoi se ajo ishte ‘goditur’ nga Zayn gjatë një sherri në ‘një moment të javës së kaluar.
Në një deklaratë të mëtejshme të lëshuar për TMZ, Zayn mohoi me vendosmëri akuzat e Yolanda-s dhe deklaroi se shpreson që ylli i realitetit të ‘rishqyrtojë pretendimet e saj të rreme’.
