Filmi i metrazhit të gjatë ‘Rooftop Sonata’ me skenar dhe regji nga Edon Rizvanolli dhe producentë Meriton Ahmeti, Annemiek van Gorp dhe René Goossens ka filluar xhirimet në Amsterdam të Holandës. Xhirimet e këtij filmi do të vazhdojnë edhe në Kosovë, përkatësisht në Prishtinë.
Rolet kryesore në këtë film i janë besuar aktores Adriana Matoshi dhe Jason de Ridder.
Ky film është i zhanrit dramë sociale i cili shtjellon vështirësitë e jetesës për gjeneratën e parë të emigrantëve në perëndim. Gjithashtu edhe pasojat e dhunimit të grave gjatë luftës, si dhe çasjen ndaj këtyre dhunimeve nga ana e shoqërisë kosovare.
‘Rooftop Sonata’ është bashkëpunim në mes të Kosovës dhe Holandës i mbështetur nga Qendra Kinematografike e Kosovës. Filmi do të jetë i gatshëm për shfaqje në pranverë të vitit 2016./Prive.al
