Përmes opsionit për t’i bërë pyetje kujtdo që të duash që Instagrami ka lansuar ditëve të fundit, shumë të famshëm shqiptarë kanë nisur të japin përgjigje të sinqerta për fansat e tyre.
Shumë të tilla i janë drejtuar edhe këngëtares së famshme Enca Haxhia, e cila është përgjigjur edhe në ato më thumbueset.
Njëra nga to ishte: “Kush po t’i sponzorizon pushimet?”
E në një pyetje si kjo, Enca ka shpërthyer në përgjigje duke u mburrur se i ka arritur e vetme të gjitha që ka në jetë, përfshirë standardin e mirë të jetës që ka.
“Çfarë lloj sponzorizimi mendon ti se ka nevojë një person që përpiqet ditë e natë që nga viti 2014-të, i ka blerë me paratë e veta veturat, shtëpi dhe rroba”, ka shkruar Enca, duke iu përgjigjur pyetjes së fansit, apo fanses! /Prive.al
