Këngëtarja Eni Koçi, si e ftuar në emisionin ‘Rudina’ në TV Klan sot promovoi projektin e ri ‘Hold UP’ dhe jo vetëm.
Në një pjesë të intervistës, Eni u pyet edhe për dashurinë, ndonëse sipas të gjitha gjasave me një kompromis për të mos u thelluar në detaje.
Duke i rënë nga Kina, Koçi pranoi se është e dashuruar me gjëra që i falin dashuri, nga familja e deri tek puna dhe karriera.
Në asnjë moment, as nga ana e prezantueses e as nga ajo e këngëtares nuk u përmend Genc Prelvukaj por rrotull, këngëtarja tha se nuk i pengojnë shkrimet e portaleve sipas qejfit të tyre.
Ajo nuk zgjodhi raportimin mbi lidhjen si shembull, por një dezinformatë në lidhje me mungesën e nënës për të dëshmuar se mediat shpesh edhe gabojnë por këtë e merr shtruar.
Ndryshe, Prive të shtunën, si çdo herë tjetër, nga burime të sigurta konfirmoi lajmin se Eni dhe Genc Prelvukaj kanë tashmë katër – pesë muaj që kanë nisur një romancë e cila po iu ec shumë mirë. /Prive.al/
