Sot një muaj më parë çifti i njohur Ledion Liço e Sara Hoxha patën ndjenjën më të papërshkrueshme të jetës, ardhjen në jetë të djalit.
Në momentet e para kur ardhja në jetë e djalit u bë lajm, ajo që pasoi ishte çudia mbi emrin e tij.
London Noor Liço, tingëlloi si një kombinim pa ndonjë kuptim por sot në një mujorin e djalit, ka qenë Sara ajo që përmes një postimi në Snapchat ka zbuluar tërë simbolikën.
“London, sepse është vendi ku babai yt dhe unë kultivuam dashurinë për njëri-tjetrin; Noor, sepse ti je drita e jetëve tona dhe sepse Noor (Dritë)+Itan= Dritan” – shkruhet mes tjerash në postimin e bërë.
Pra, emri London Noor, jo vetëm do t’i kujtojë gjithnjë Sarës dhe Ledionit ku janë dashuruar më shumë, por do të mbajnë gjithnjë me vete edhe një pjesë të kujtimit të të ndjerit Dritan Hoxha, figurës që revolucionarizoi komplet tregun mediatik shqiptar. /Prive.al/
