Elia Zaharia ka thyer heshtjen.
Ajo ka reaguar për herë të parë pasi në publik dolën videot e përplasjes së saj fizike me tashmë ish-partnerin, Princ Leka.
Elia ka zgjedhur Instagram-in për disa fjalë zemre që në fakt janë mirënjohje për ata që u rreshtuan me të duke u solidarizuar me situatën që po kalon.
Postimi i plotë:
Miq dhe dashamirës,
Ndjej dhe dëshiroj të shpreh mirënjohjen time më të thellë për mbështetjen dhe kurajon që më keni dhënë përgjatë këtyre ditëve kaq shqetësuese për mua dhe familjen time! U jam falenderuese të gjithë atyre që u ulën dhe më shkruan fjalë zemre, atyre që kuptuan dhe ndjenë dhimbjen time! Artistë të shquar e të nderuar të vendit tim, nga brezat që na kanë bërë e vazhdojnë të na bëjnë krenarë e që janë një pasuri kombëtare, deri te brezat e rinj të artit e kulturës në vend, u bashkuan në një peticion sensibilizues në mbështetje të një dinjiteti njerëzor! Ju jam përulësisht mirënjohëse, deri në lot!
