Deri më sot, librat që Dua Lipa ka përzgjedhur për Klubin e Librit të saj Service95 kanë qenë libra disi të fundit të shkruar nga autorë të gjallë. Por përzgjedhja e saj e tetorit është pak më ndryshe: është një roman i shkruar më shumë se 50 vjet më parë që konsiderohet si një nga librat më të mëdhenj të të gjitha kohërave.
Libri është “Njëqind vjet vetmi” nga autori kolumbian Gabriel García Márquez, i cili vdiq në vitin 2014. I shkruar në stilin magjik realist, libri tregon historinë e shtatë brezave të familjes Buendía, që jetojnë në qytetin imagjinar të Macondo.
“Ky roman i jashtëzakonshëm më futi në një magji”, ka shkruar Dua në Instagram. “Unë u mahnita nga elementët fantastikë që jetojnë së bashku me realitetin dhe më pëlqeu mënyra se si koha qarkullon dhe lëkundet në qytetin imagjinar të Macondo.”
Ndërsa ajo pranon se është ngatërruar paksa nga të gjithë personazhet, Dua vuri në dukje: “Të humbasësh dhe të dorëzohesh para mjeshtërisë së tregimit të Gabriel García Márquez-it është e gjitha pjesë e gëzimit të kësaj përrallë epike. Gjatë rrugës, e gjeta veten duke reflektuar mbi dashurinë dhe luftën, lidhjet familjare, pasojat e modernitetit dhe sigurisht, kuptimet e shumta të vetmisë. Është i parezistueshëm.”
Si pjesë e përmbajtjes së klubit të librit, fansat do të marrin një udhëzues udhëtimi për në Kolumbi, si dhe një intervistë me djalin e García Márquez, Rodrigo García. /Prive.al
