Një karakter dhe fizik i veçantë si ai i Dua Lipës, është e vështirë të kalohet pa u vërejtur. Këtë e dëshmojnë edhe kompanitë më në emër të cilët kanë kërkuar Duan për bashkëpunim, e të cilat nuk janë aspak të pakta!
Në 2018-tën Jaguar e bëri publik bashkëpunimin me Duan, që kjo e fundit të ndihmonte në përforcimin e brendit në gjithë Evropën. Po këtë vit artistja bashkëpunoi edhe me brendin luksoz /Nyden, për të cilën Dua do stilonte një linjë veshjesh që target kanë rininë e mileniumit. Në janar të vitit 2018, brendi i famshem sportiv Adidas emëroi Duan si ambasadore të re. E së fundmi Dua u bë fytyra e re e njërit nga brendet më luksoze në botë YSL.
Ky vit i suksesshëm padyshim ishte indikator i një karriere të re të Duas krahas krahas karrierës muzikore.
Artistja sapo e bëri të ditur bashkëpunimin e saj të ri me brendin e ri të veshjeve Pepe Jeans, me të cilën do të dizajnojë linjën e saj të re.
“Më në fund mun t’ju tregoj…që po bashkëpunoj me PepeJeans, për të krijuar koleksionin Dua Lipa x Pepe Jeans për të gjithë ju! Kam dashur të mësoj për dizajnin si një mënyrë tjetër për të shprehur veten sepse gjithnjë jam duke imagjinuar rrobat që dua të vesh, e që tash po e konkretizoj! Jam inspiruar nga vitet e 90ta në Londër, duke shtuar edhe influencat momentale, për të krijuar rroba që janë moderne, të përshtatshme dhe të përballueshme – diçka që më përfaqëson mua dhe dëgjuesit e artit tim. Këtë koleksion e dizajnova me juve në mendje.” – shkroi Dua Lipa në postimin e saj në Instagram. /Prive.al
