Java e ditëlindjes së Rita Orës, s’do duhej assesi të përfundonte në Londër.
Këngëtarja e famshme ka zgjedhur që festën ta zhvendosë nga ky qytet i ftohtëë i Anglisë, për diçka më me ngjyra në Afrikën e nxehtë.
Rita Ora këtë javë të akullt nëntori, po e kalon në Nirobi, në mes kohës së nxehtë dhe kulturës së bukur afrikane.
Për ditëlindjen e saj dhe për ta uruar në mënyrën vendase, janë kujdesur disa fëmijë shumë simpatikë që edhe Ritës i kanë lënë përshtypje.
“Kurrë nuk kam kënduar një këngë si kjo për ditëlindjen time më parë. Isha në një fshat të bukur Masai dhe banorët ishin shumë mikpritës dhe energjia e shpirti im s’do jenë më kurrë të njëjta. Ju faleminderit. Ditëlindja më e bukur ndonjëherë”, ka shkruar Rita, në një video që ka publikuar në Instagram.
Ajo po ashtu, nga pushimet në plazh ka publikuar fotografi në rroba banje, duke shpalosur se sa në formë është edhe pse këto ditë ishte tejet e zënë për të bërë palestër. /Prive.al
