Pak ditë më parë iu njoftuam që modelja e njohur Afrona Dika ka rënë pre e një sulmi kibernetik.
Ajo humbi qasjen në llogarinë e saj në Instagram.
Ndjekësit pikasën menjëherë këtë detaj duke u shqetësuar për sa i përket fotografisë së zezë që ishte vendosur nga hakerët në profilin e saj.
Fatmirësisht asgjë e keqe nuk ka ndodhur për Afronën teksa tashmë vjen një tjetër lajm i mirë.
Bukuroshja e ka rikthyer llogarinë e saj, siç ka bërë të ditur përmes një postimi në Instagram.
Në të, ajo shprehet:
“Përshëndetje të gjithëve. Tani profilin tim e kam sërish. Ishte hakuar për disa ditë. Dua të falenderoj me zemër ato që më ndihmuan në rikthimin e tij”.
Me një audiencë prej afro çerek milioni njerëz, ky aset kaq i rëndësishëm është sërish në duart e Afronës. /Prive.al
