Çiljeta ka folur për herë të parë pasi publikoi videon me shami në llogarinë e saj në Instagram.
Gjatë një paraqitje të saj në emisionin “Ftesë në Pesë”, këngëtarja tha se ‘ia kanë çarë telefonin pasi nxori atë video’.
Çiljeta e konisderoi normale videon në fjalë, duke treguar se prej vitesh ajo është besimtare e fesë myslimane dhe ka agjëruar edhe herë të tjera.
“Ma kanë çarë telefonin pasi kam nxjerrë këtë video, sa thashë ‘Ç’deshe moj gocë, ishe mirë!’ Nuk është ndonjë gjë uau, thjesht ishte hera e parë që e deklaroja kaq hapur ose fakti që isha e veshur me shami. Unë atë ditë kam qenë duke shkuar në xhami. Ka qenë dita e parë e Ramazanit dhe doja të gjeja një formë për të uruar të gjithë besimtarët myslimanë. Unë si Çiljetë, me ato ndjesitë e mia përbrenda, bëra një video dhe më dolën ca fjalë zemre”, tha ajo./Prive.al
