Vetë cilësohet si shumë i fortë, krahasohet me aktorin amerikan Chuck Norris e është subjekti i batutave të kosovarëve.
Mirëpo për regjisorin, skenaristin e aktorin Halil Budakova, dikush tjetër është shumë më i fortë.
Në emisionin Nd’rrimi i Natës në rubrikën Kutia, ai ka thënë se e konsideron Zotin si më të fortin nga të gjithë.
Budakova ka thënë se mesazhi më romantik që kam marrë ndonjëherë nga dikush, është nga gruaja e tij Merita.
Ndërsa për barsoletat që thuhen për të ai ka një përgjigje:
“I di të gjitha barsoletat që thuhen për mua dhe i konsideroj si marketing shumë të mirë”.
Kurse, po të mos ishte regjisor e aktor e skenarist, i vetmi profesion ku do të mund ta shihte veten Budakova, është si futbollist. /klankosova.tv/
